Aaj Ghar Ghar Mai Matam Bapa Hai

Qatl Zainab Ka Baba Hua Hai

Lab Pe Jibreel Ke Ye Buka Hai

Kaale Kapron Mai Hain Aaj Ahle Aza

Hai Labon Par Sada Ya Ali Eliya 

Nauhakhwani Kaheen Aur Kaheen Marsiya 

Saare Alam Mai Gham Ki Fiza Hai

Majlison Aur Julooson Mai Zikr E Ali

Rozadaro Ki Ankhon Me Gham Ki Nami 

Burhe Bache Jawaan Hain Sabhi Matami 

Rozadaro Ke Lab Par Sada Hai

Kale Parcham Uthaate Huay Sar Ba Sar

Shahrahon Pe Nikle Sabhi Nauhagar 

Ek Majlis Se Hai Doosri Ka Safar

Haan Ye Mauhol Batlaaraha Hai

Rozadaro Ke Kandho Pe Taboot Hai

Sab Hain Khooni Qaba Aur Rote Huay 

Ya Ali Ya Ali Ki Jo Awaaz Hai

Har Azadar Ye Keh Raha Hai

Roke Kehte Hain Hasnain Sar Peet Kar

Aayi Uneesween Ki Ye Kaisi Sahar 

Dekha Jaata Nahi Baap Ka Zakhmi Sar 

Qabr E Zehra Mai Aaho Buka Hai

Roz Raaton Ko Khaana Khilaata Tha Jo 

Sab Yateemo Ke Gham Ko Mitaata Tha Jo

Ab Nahi Aayega Roz Aata Tha Jo

Ye Sitam Bekason Par Kiya Hai

Baap Ke Gham Me Roti Hain Saidaniya 

Khaak Uraati Hain Kehti Hain Sab Betiyan 

Zindagi Bhar Karainge Yoon Aaho Fughaan 

Ye Qayamat Ka Gham Jo Mila Hai

Farshe Majlis Pe Mesum Ye Nauha Karo

Jo Masayib Hain Mazhar Vo Likhte Raho

Bibi Zahra Ko Ashkon Se Pursa Bhi Do

Bus Ye Aghaz E Karbobala Hai