Roman Urdu - 110% + Print
Zahra Ki Ghar Mein Haaye Qayamat Ka Woh Samaan
Meit Ali Ki Rakhi Thi Lapti Thi Betiyan
Zainab Kafan Ko Thaam Ke Leati Thi Hichkiyan
Zainab Ke Paas Aake Hassan Ne Yeh Ki Fughan
Janaze Ko Uthana Hai Kafan Ab Chhod Do Zainab
Utho Zainab, Karo Himmat
Karo Baba Ko Ab Rukhsat
Qayamat Ka Yeh Sadma Hai Kafan Ab Chhod Do Zainab
Pedar Ki Jaan Mein Hi Betiyon Ki Jaan Hoti Hai
Judai Baap Ki Sehna Kahan Aasaan Hoti Hai
Aye Meri Ghamzada Khawar
Mujhe Maloom Hai Tum Par
Bohot Mushkil Yeh Lamha Hai Kafan Ab Chhod Do Zainab
Janaza Leke Baba Ka Hamein Jaane Do Ab Ghar Se
Kahin Ro-Roke Is Gham Mein Rida Gir Jaaye Na Sar Se
Sambhalo Aye Behan Khud Ko
Tumhaare Haal Par Dekho
Mera Abbas Rota Hai Kafan Ab Chhod Do Zainab
Hamain Ab Zindagi Bhar Is Yateemi Ka Hai Gham Sehna
Bohot Mushkil Se Baba Ka Ruka Hai Khoon Aye Behna
Ajab Aalam Hai Ghurbat Ka
Ban-E-Maljam Ki Zarbat Ka
Abhi Tak Zakhm Taaza Hai Kafan Ab Chhod Do Zainab
Khadi Hain Fatima Zahra Jab Phir Shabbir Se Shabir Ne Ro-Rokar Kaha Bhai
Tumhi Zainab Ko Do Apne Kafan Ka Wasta Bhai
Dikha Kar Maan Ka Woh Karta
Bata Do Roz-E-Aashura
Kafan Mujhko Pana Hai Kafan Ab Chhod Do Zainab
Ajab Kehraam Tha Ghar Mein Yeh Jab Bola Hai Zainab Ne
Abhi Baba Ko Jee Bhar Ke Kahan Dekha Hai Zainab Ne
Hassan Kehne Lage Roke
Kaha Jitni Dafa Tum Ne
Kafan Mein Ne Uthaya Hai Kafan Ab Chhod Do Zainab
Uthaai Jis Ghari Meit Jawan Beton Ne Kaandhon Par
Bayan Ho Jaun Aur Zainab Kiase Gham Ka Woh Manzar
Yeh Dil Gham Se Na Phat Jaaye
Yahi Kehte Hue Haaye
Janaza Ghar Se Nikla Hai Kafan Ab Chhod Do Zainab