معصومہء قم ؑ
اَلسلام اے خواہرِ والیِء طوس ؑ
معصومہ قم ؑ
اَلسلام ملکہِء اہلِ نفوس ؑ
معصومہ قم ؑ
اَلسلام اے حرمتِ ارضِ عجم ؑ
اَلسلام اے نورِ تقدیسِ حرم ؑ
معصومہء قم  ؑ
پاسبانِ وادیِء قم پر سلام
طوس کی تم فاطمہ ؑ تم پر سلام
بھائی کی الفت کی ماری پر سلام
ہو سلام اُس غم گُساری پر سلام
اے خواہرِ مولا رضا ؑ معصومہ قم فاطمہ ؑ
معصومہء قم ؑ
آپ ؑ کے روضے پہ حاضر ہوگیا یہ قافلہ
سب کنیزیں آپ ؑ کی ہیں سارے خدامِ وفا
سب محبِ آل احمد غم گُسارِ کربلا
ہوگئی ہم کو زیارت آپ ؑ کی شکرِ خدا 

اے خواہرِ مولا رضا ؑ معصومہ قم فاطمہ ؑ

معصومہء قم ؑ
 روضہِء اقدس پہ یہ آیا ہمیں حکمِ امام
آپ ؑ کی خدمت میں بی بی پیش کرتے ہیں سلام
ہم عزادارِ حسینی آپ کے ادنیٰ غلام
سب کے دامن میں مرادیں سب کے لب پر ہے دعا

اے خواہرِ مولا رضا ؑ معصومہ قم فاطمہ ؑ

معصومہء قم ؑ
 ہم تو آئے ہیں یہاں ماتم گُزاری کے لیے

کربلا والوں کے غم میں آہ و زاری کے لیے
سینہ کو بی کے لیے اوراشک باری کے لیے
پرسہء شبیر ؑ دینے آئے ہیں اہلِ عزا

اے خواہرِ مولا رضا ؑ معصومہ قم فاطمہ ؑ

معصومہء قم ؑ

لیجیے اکبر ؑ کا پرسہ وہ جو تھا لیلیٰ کا لعل
وہ شبِہہ مصطفیٰ ؐ وہ پیکرِ یوسف جوا ں
ہائے ایسے نوجواں کا یہ ہوا مقتل میں حال
جیسے ہی برچھی کھینچی باہر کلیجہ آگیا

اے خواہرِ مولا رضا ؑ معصومہ قم فاطمہ ؑ

معصومہء قم ؑ

چُوم کر عباس ؑ کے شانوں کو کہتے تھے امام ؑ
یہ میرے بازو ہیں بھائی آئیں گے یہ میرے کام
سر جُھکا کر بولے غازی ؑ آپ ؑ آقا میں غلام
میں اُتاروں گا انہیں شانوں سے صدقہ آپ ؑ کا

اے خواہرِ مولا رضا ؑ معصومہ قم فاطمہ ؑ

معصومہء قم ؑ

ہم ہیں فریادی امامِ وقت ؑ کا ہے انتظار
ان کے منصب پر یہاں بیٹھے ہیں جھوٹے دعویدار
جب وہ آئیں گے تب ہی دنیا کو آئے گا قرار
اب تو باطل کا ابد ہوگا اُسی دن فیصلہ

اے خواہرِ مولا رضا ؑ معصومہ قم فاطمہ ؑ

معصومہء قم ؑ